Assalamu’alaikum wr…wb

Bismillahi : Ngawiti ingsun kelawan nyebut asmane ALLAH
Arrohmani : Sifat dzat kang maringi welas asih
Arrohimi : Tur kang paring rohmat takdzim

Dumateng pe maos sedoyo pertama-tama monggo tansah muji syukur dateng ngarsanipun Gusti ALLAH SWT ingkang sampun maringaken daten kito sedoyo kesehatan,ke imanan,ke iklasan , rahmat ,nikamt,hidayattipun kagem kito,

Sholawat soho salam ugi kito aturaken dumateng junjungan kito nabi agung MUHAMAD SAW mugi-mugi kito sedoyo mbinjang angsal syafattipun ing dinten akhir ,,,,

Mangertenono….!!!!!!

sejatining manungso urip ing ngalam nduyo iki mung jejer titah sak wantah duwene mung lali karo salah,mulo ojo podho kakean polah,siro urip ono kang nguripno,siro gedhe ono kang nggedekno,siro sugih ono kang nyugihno,mulo ojo podho adigang adigung adiguno,ojo dak sio marang sak podho-podho,maksiatte lerennono,lek pingin mulyo manutto tuntunane AGOMO,,,,termasuk lerenno anggene nglakoni MOLIMO……

SAK BEJO BEJANE WONG LALI ISIH LUWIH BEJO WONG KANG SENG EILING LAN WASPODHO

Mempeng ngaji lali rabi

NGAJI IKU PENTING
OJO
SENG PENTING NGAJI
Ngaji iku sangune mati,,,,,,,,,

Mumpung isih mudo ngajine temenono
ngelingono yen wes tuo supoyo ora kuciwo

WOLAK-WALIK ING ZAMAN

Seng penting di anggep ora penting, Seng ora penting di penting-pentingno
Seng apik di elek-elek, Seng elek di anggep apik
Seng bener di salahno ,seng salah di bener-bener no
Seng jane tontonan di anggep tuntunan, Seng mestine tuntunan malah dadi tontonan

Ora ono manungso seng sempurno
Ora ono manungso seng ora nduwe duso
Mulo podho enggal-enggal tobatto
Mumpung durung di timbali marang seng KUWOSO

Zamane wes akhir.akeh wong kang podho loro pikir
Yen ora di tambani dzikir akhire akale jungkir

sa’iki zaman wes edan,akeh wong seng kang kelangan iman
yen gak di tambani qur’an iso2 dadi edan tenanan

Zamane zaman edan,akeh menungso podho lali karo pengeran
Ngaku agamane islam tapi gak gelem sembahyang
Hobine maksiat sak ndalan-dalan
Nyambut gawe podho sungkan,bandane tanggane malah di gae rayaan

Zamane-zaman maju ,akeh wong wadhon podho kemayu
Lek bengi podho metu ngguya-guyu,mung trimo mamerne pupu
Turut ngisor waru jebulle mung payu sewu

Zamane-zaman globalisasi,akeh uwong wes lali karo dzat kang moho suci
Akeh santri seng podho gak gelem ngaji,ugo akeh kyai seng lali karo santri
Malah melu-melu rebutan kursi

Manungso kui di titah podho, nanging lek masalah bondo di jatah bedo
Mulo manungso iku wajibpe mung usaha karo dungo
Intuk rezeki sepiro atine seng nrimo, gak usah meri karo konco
(sak podho-podho)

Akeh wong setres mergo urip pe gak beres
Rino wengi mung mburu nduyo, njur lali karo agomo

Ojo podho ngersulo ndak gelis tuo
Wong yen nrimo urip pe dowo
Wong seng sabar rejekine jembar
Wong yen ngalah urip pe bakal barokah
Sopo seng jujur urip pe makmur
Wong suloyo urip pe soro
Wong seng sombong amale kobong
Sopo seng tlaten tembhe mburi bakal panen

Akeh wong ngaku islam agamane tapi tumindak e sak karepe dewe
Zamane wes zaman tuo akeh manungso wes angel di toto maring tuntunane agomo
Senengane malah podho gae duso
Tumindak duso sak bendino podho ra kroso

Sitik-sitik ra ketoro sui-sui dadi cetho
Koyo wong tumindak duso di lakoni sak bendino
Duso lantaran umungan,lantaran kuping lan tangan
Kadang-kadang ora kroso mergo pancen wes kulino

Seng ati-ati kelawan waspodho
menowo siro ngobrol karo konco
Ngrasani tonggo ngojah alane liyo
Kadang ra rumongso awak e gae duso

Ayo mumpung durung telat, enggal-enggal podho tobat
timbang ning akhirat siro mbesok nompo adzab
Mung duso sepele kang ora di rasak ke
Nanging gedhe akibate marang awak e dewe

Mumpung isih urip ngibadaho kanti tertip
ngelingono yen wes mati ora bakal iso bali

Mumpung isih waras ibadaho kanti iklas
Ngelingono yen wes loro ora biso opo-opo

Mumpung isih longgar ibadaho kandi sabar
Ngelingono yen wes repot ibadah rasane abot

Mumpung isih sugih bondo dadio wong seng lumo
Ngelingono yen wes mlarat rino wengi mung sambat

Lek wes sugih ko ora kelingan bondo iku mung titipan
Mbok yo eling karo sanak kadang yen wes sugih ojo mung nyawang
Tulungono wong seng kekurangan sandang ugo kurang pangan

Sugih bondo mung sak wetoro mbesok yen mati ora bakal di gowo
wong seng lumo iklas amale,ngunu iku bakal akeh ganjarane
Sugihe ojo mung kangge dewe seng mlarat mbok di gatek ke

Dulur-Dulur Muslimin Muslimat Ayo Pada golek Sangu Akhirat
Sak Durunge Ketekan Sekarat Ana Ing Kubur Bakal DitarapBakal Ditakoni Karo Malaikat Amal Kito Ora Ana Sing Kliwat
Ayo Pada Ngelakoni Sholat Rina Wengi Mumping Sik Sempat
Zaman Sak Iki Wis Jedek Kiamat Akeh Wong Seneng Ngekoni Maksiyat
Ninggalno Sholat Lan Emoh Mbayar Zakat Wis Kadung Kroso Nikmat Lali Akhirat
Dulur-Dulur Ayo Pada Sregep Ngaji

Sak Durunge Ketekan Pati

Tinimbang Getun Ono Ing Dino Mburi

Urip ono Ndunya Ora Bisa Dibaleni

Konco-Konco Sing Sik Seneng mendem-menNdeman
Dulur-Dulurku Sing Seneng Togelan
Ayo Podo Dicegah Gak Terus-Terusan
Sebab Mendem Koya Wong Edan, Seneng Togelan Ngrusak Masa Depan
Seneng Tombokan Gak Iso Dadi Jutawan
Sing Akeh Mari Oleh Tambah Jorjoran
Wong Main Ngono Direwangi Syetan, Dijak Seneng Gae Konco Langganan

Konco Nom-Noman Sing Sregep Nyelengi,
Yen Wis Akeh Duete Digawe Rabi
Calon Bojone Yo Iso Nyenengi, Morotuwane Yo Melok mbungahi
Sregep Tangi Ing Tengah Wengi

Dulur-Dulur Ayo Pada Sadar,
Sak Durunge Ketekan Modar
Tinimbang Getun Gak Kenek Dibayar
Urip Ndik Ndunya Iku Mung Sak Gebyar

Arek lanang jaman sa’iki
ganteng-ganteng ora gelem ngaji
seneng ngluyur awan bangi
yen pacaran nomer siji

bucah wadon jaman sa’iki
cilik-cilik wes podho rabi
sebabpe lek gak dang rabi
kedisi’an wetenge gedhi (kedisi’an gendhong bayi)

AGOMO niku AN-NASEHAH (nasehat)

Nek pancen kito niku enten masalah ,kepingin bener seng ngandani , njih meniko AGOMO :
Yen agomo omong bener njih bener , ning yen boten njih boten

Milanipun monggo sareng-sareng wangsul agomo dipun dadosaken sumber kagem nylesek aken masalah , lan kagem sumber inspirasi dumateng kulo panjenengan lumampah murih slamet bejo ten dunyo dumugi tekan akhirat
Allohuma Amiiiiiiiiiiiiiin……..

Rosulullah pernah bersabda, “Barang siapa yang menghendaki kebahagiaan di dunia, maka hendaknyalah dia meraihnya dengan ilmu. Dan barang siapa yang menginginkan kebahagian di akhirat, maka gapailah ia dengan ilmu, dan barang siapa menghendaki kedua-duanya, maka rengguhlah pula ia dengan ilmu

YEN NGAKU SANTRI WIS SAKMESTINE KUDU NGAJI
YEN WES OLEH ILMU SENAJAN SITIK ZO DI LAKONI
MUMPUNG ISIH ONO KYAI DI TLATENI GONE NGAJI
MERGO IKU MBESOK SANGUNE MATI…….

Nalika kita kudu liwat dalan munggah
Senajan krasa wegah lan susah, ning kita kudu jumangkah
Ya ngono kuwi dalaning urip, kudu dilakoni wong iku wajib
Ra perlu gumuyu latah-latah yen lagi nemu bungah
Ra usah nggriyeng tetangisan yen lagi nemu alangan/penandhang
Ngresula, nalangsa, mung bakal nambahi abot ing coba
Sing becik pancen mung pasrah sumarah, Pangeran mesthi paring berkah.
amin,,

“ajining dhiri gumantung ono ing lathi, ajining raga gumantung ing busono. ajining kesehatan ono ing pikiran, ajining mulyo ono ing makaryo, ajining kedhudhukan ono ing kabijaksanan,,,,”

urip ning alam ngarcopodo ki nandur, ning alam kalanggengan kui suk ngunduh. sing diunduh koyo opo sing ditandur mbiyen. urip ning alam ngarcopodo ki ngupload, ning alam kalanggengan kui suk download. sing di download koyo opo sing upload mbiyen.

niatan apik durung karuan ditompo kanthi apik

nuruti lan ngujo kasenengan donyan kui paribasan ngombe banyu segoro…

TEKUN : sregep, prigel,rajin ulet lan g gampang putus asa marang opo wae kerja’an lan tindadakn

TEKEN : tongkat,utowo gondelan,,,wong iku kudu duwe gondelan seng kuat,teken iso ugo damel petunjuk,yakni petunjuk dalan seng becik

TEKAN : kesampek an (kesampean)

MULO SOPO SENG TEKUN GOLEK TEKEN BAKAL TEKAN

UMETO GAWE UMAT
OJO NGANTI
GAWE UMETTE UMAT

PANTESE URIP KUDU ISO RUMONGSO
TAPI……..RUMONGSO ISO GAK PANTES DI URIPPI….

Belajar Maknane “KUPAT” “Ngaku Lepat” (Mengakui
Kesalahan):
Ono 3 modele wong salah;
1. wong Salah ngakoni
salahe ( rumongso ),
2. Wong Salah ra ngakoni salahe
( ra rumongso ),
3. Wong salah ngakune bener ( ra
duwe rupo ).

★ DUDU amergo ngrendahne (ngremehne) marang wong liyo seng dadek ake awak e dhewe niki MULYO
★ DUDU amergo bikak wadi (aib pe) wong liyo seng dadek ake awak e dhewe PINUJI
★ DUDU amergo ngafirke marang sedulure seng dadek ake awak e dhewe dadi wong IMAN
★ DUDU amergo ngen_nyek (alok) wong liyo seng dadek ake awak e dhewe PINTER
★ DUDU amergo wong liyo seng dadek ake awak e dhewe apik
⇉ ~♥~ ANANGING~♥~ ⇉
⇉ AKAL LAN AKHLAQ KITO KIAMBAK INGKANG DADEK AKEN KITO NIKI DI ANGGEP WONG APIK

بِسْمِ اللّهِ الرَّحْمَنِ الرَّحِيْمِ

Assalamu’alaikum wr…..wb….
Alhamdulillah muji syukur dumateng ngarsanipun pangeran ingkang sampun maringaken dateng admin lan pemaos sedoyo njih meniko limpahan rahmat , nikmat , kesehatan , soho umur dowo lan sak sanes-sanesipun ,solawat soho salam mugi unjuk katur dumateng junjungan nabi kito MUHAMAD SAW mugi-mugi benjang enten dinten akhir kulo lan panjenengan sedoyo di pun akoni minongko umattipun kanjeng nabi amin .

Ten mriki admin bade damel tulodho yakni pitutur JOWO ingkang part2 , ,mugi -mugi lewat tulisan niki sagetto MANFAATTI tumrappe kulo lan panjenengan sedoyo , lan mugi2 sagetto nuntun kulo jenengan wonten dalan ingkang dipun ridhoi pangeran amiin……

سْمِ اللّهِ الرَّحْمَنِ الرَّحِيْمِ
Sirah nganti kanggo sikil
polahe wong golek duwet
Di rewangi mondar-mandir awak e
mobat mabit Mburu senenge urip

Ojo podho ngongso ono ndunyo
golek bondho carane maneko warno
Senajan rekoso , katon ino
seng penting halal iku ora opo-opo

Rezeki iku di buru bakal mlayu
yen pancen durung jatahmu
Ojo podho serakah , luwih becik pasrah
Sethitik lah seng penting barokah

Paribasane bendinane
lawuhe mung sambel , tahu lan tempe
Senajan mangane sak anane
seng penting awak sehat lahir batine

Opo gunane akeh bandane
nanging ora dadek ake tentrem uripe
Akeh bandane salah gunane
nyengsarak ke marang awak e dewe

بِسْمِ اللّهِ الرَّحْمَنِ الرَّحِيْمِ

Yen podho krungu sworo adzan
gek podho enggal-enggalan
Tinggalno kabeh kerepotan nuhoni timbalan

Adzan panggilane pangeran
aja’an nglakoni sembahyang
Minongko dadi kewajiban kabeh umat islam

Yen podho krungu sworo adzan
njur wudhu nuli dandan
Nuju papan pangibadahan ngelakoni sembahyang

Sambi nunggu rawuhe imam
becik podho puji-pujian
Menowo komat wes kumandang njur sholat bebarengan

Ayo podho sholat berjamaah
ganjarane langkung katah

Ayo podho sholat berjamaah
nderek dawuh rosulillah

dadekno pakulinan yen bubar sembahyang
sareng-sareng imam podho wiritan

بِسْمِ اللّهِ الرَّحْمَنِ الرَّحِيْمِ

Lamun manungso di cubo kelawan kesenengan lan kemewahan
Kepinginane keturutan uripe sarwo kecukupan
Dewek e ngomong kanti gampang iki kanugrahaning pangeran

Nanging menowo manungso di cubo uripe rekoso
dewek e njur podho kondho jarene allah ora tresno
Anggepe dungane ora pernah di kabulne
sak bendino mung ngersulo perintahe jur di sepelek ke

Ono ndunyo namung sepisan , ojo nganti podo kapusan
Ati-ati karo bujuk e syetan , urip iki mung sawang sinawang
Bab agomo nyawango duwure , ndadek ake sregep ngibadahe
Amprihe siro biso nrimo atine , bondo dunyo nyawango ngisore

Mburu dunyo iku ora ono maremme , menowo siro ora nrimo atine
Ojo podho meri karo kancane , sebab rezeki iku dewe-dewe jatahe
Mulo ayo podho di tingkatne ngibadahe
Nyambut gawe sak biso bisane , mung seng penting halal carane

Elingo poro manungso ojo kondho allah gak tresno
Sugih dudu ukuran mulyo , mlarat dudu ukuran ino
Sugeh mlarat iku ujian tumrape wong seng podho iman

Menowo sugeh podho syukuro , menowo mlarat podho sabaro

بِسْمِ اللّهِ الرَّحْمَنِ الرَّحِيْمِ

zaman edan akeh wong kang lali marang pangeran
(sholat , ngaji , opo, maneh poso)

mulo poro konco ngelingono ono ndunyo mung sedelo
(neng ndunyane ojo lali akherate)

nyambut gawe koto-koyo bakal urip selawase
(mburu dunyo ora ono entek e)
yen lagi ngibadah koyo-koyo dino sesok bakal pejah
(nyambut gawe ojo lali ngibadahe)

wayah magrib megane abang , mumpung urip ayo sembahyang
(eling … eling … zo kang … )

ono sumur nang tengah sawah , tambah umur sregep ngibadah
(eling … eling … zow mbah ………..)

mumpung siro isih waras , ngibadahokanti iklas
(eling … eling … zow mas……..)

rukun islam ono limo gak sembahyang bakale tuno

(eman … eman … zow pak …… )

بِسْمِ اللّهِ الرَّحْمَنِ الرَّحِيْمِ

Sedulur podho eilingo , siro urip ono ing ngalam dunyo
temenono anggonmu ngaji , tembe mburi ben ora rugi

Ngelingono lamun wes mati , wes wancine ora biso nyelak_i
Di sandangi sarwo putih , yen wes budal ora biso mulih

Di tumpakne kereto jowo , rudho papat rupo manungso
Jujukane ing jero guo , tanpo bantal tanpo keloso

Di selehke ngalor mujure , guwone banget ciutte
Ing kunu ora ono lawange , turu dewe ora ono kancane

Di tutupi anjang-anjang , di uruki di siram kembang
Yen uribpe gelem sembahyang , alam kubure bakal padang

Yen urippe ra gelem sembahyang , di sikso ping pirang-pirang

بِسْمِ اللّهِ الرَّحْمَنِ الرَّحِيْمِ

Ayo podho sholat kanggo sangu neng akhirat
Pitulas roka’at rino wengi ojo nganti telat

Yen jejeg sholatte bakal jejeg agamane
yen ninggal solatee bakal rubuh agamane

Wis nyoto sholat iku cagak e agomo
Wes nyoto sholat iku kuncine suargo

Muslimin sedoyo kakung putri enom lan tuo
Mumpung isih ono nduyo ojo ninggal sholat limo

Mbesok dino kiamat kabeh amal bakal di hisab
Sholat dadi kunci pitakonan nomer siji

Yen becik sholatte di anggep becik kabeh ngamale

Yen usak sholatte di anggep rusak kabeh ngamalle

Pendak dina umur sudo sedino,

mati kuwi ora enom ora tuwo,

ora kroso awake dewe wis soyo tuwo,

juru pati lirak- lirik saben dino,

mula kuwi pada elinga yen bakale pada lungo,

tindakno perintah’e agomo,

Aja mung ngerat Donyo,

diokehi sedekahe ben mbesuk mlebu Swargo.

“Ketupat Janure tuwo” Wonten lepat nyuwun pangapuro.

Sugeng nglampahi warso enggal 2013

t

unyo iki wis tuwo,
Wis tuwo tur keronto-ronto.
Contone akeh putro wani karo wong tuwo,
Akeh joko dadi dudo,
Akeh dudo ngaku joko,
Akeh prawan nglairke putro tanpo bopo,
Akeh rondo towo-towo rogo.
Jare ra penak yen ra dikancani joko.
Akeh omah ibadat ra tau disobo.
Sing disobo malah omahe germo.
Dijak ibadah mesti semoyo.
Jare sambat boyok’e loro.
Sing meneng berarti rumongso.
Sing mesem?lan nggguyu berarti kulino.
Elingo yen sakwayah-wayah dipundut sing kuwoso.
Ora enom ora tuwo.
Malaekat podo ngincer sing leno.
Mulo jo lali ibadah madhep sing kuwoso.
Yen mati ben mlebu surgo.
Yen mlebu surgo jo lali BB-ne digowo.
Ben iso ngabari lan BBm-an karo konco2.
Yen mlebu neroko BB-ne ra usah digowo, amargo sinyale ra ono!

Ojo dumeh sugih bondo
Yen pangeran paring loro
Bondo akeh tanpo guno
Dokter mung ngereko doyo

Mulo mumpung siro sugih
Tanjakno jo wigah-wigih
Darmo jo ndadak ditagih
Tetulung jo pilih-pilih

Mumpung siro isih waras
Ngibadaho kanti ikhlas
Yen leloro lagi teko
Sanakmu mung biso dungo

Mumpung siro isih gagah
Mempengo nyengkut jo wegah
Mongko siro yen wus pikun
Ora nelongso karo getun

Mulo konco do elingo
Uripmu sing ngati-ati
Mung sepisan ono dunyo
Yen wus mati ora bali

Gusti Allah wus nyawisi
Islam agomo sejati
Tatanan kang anyukupi
Lahir batin amumpuni

Kitab Qur’an kang sampurno
Tindak Nabi kang pertelo
Sinaunen kang pramono
Sing sregep lan ojo ndleyo

Duh Allah Kang Moho Agung
Mugi paduko maringi
Ngibadah kelawan pitulung
Mergi leres kang mungkasi

Amin Amin Amin Amin
Ya Allah Rabbal ‘Alamin
Mugi Paduko ngabulno Sedoyo penyuwun kito

Yen sowan Kang Moho Agung
Ojo susah ojo bingung
Janji ridlone pengeran
Udinen nganggo ngamal

Ngamal soleh ora mung siji
Dasare waton ngabekti
nDerek marang Kanjeng Nabi
Muhammad Rasulullahi

mBangun turut ing wong tuwo
Sarto becik maring tonggo
Welaso sak podo-podo
Mulango marang ing popo-popo

Yen ngendiko ngati-ati
Ojo waton angger muni
Raqib-‘Atid kang nulisi
Gusti Allah Kang Ngadili

Urip donyo ora suwe
Bakal ngalih panggonane
Akherat nggon sejatine
Mung ngamal becik sanguine

Sowanmu mring pangeranmu
Sopo kang dadi kancamu
Sarto opo gegawanmu
Kang nylametake mring awakmu

Kulo sowan maring pangeran
Kulo ijen tanpo rowang
Tanpo sanak tanpo kadang
Bondo kulo katilaran

Yen manungso sampun pejah
Uwal saking griyo sawah
Najan nangis anak simah
Nanging kempal mboten betah

Senajan bebondo-bondo
Morine mung sarung ombo
Anak bojo moro tuwo
Yen wis ngurug banjur lungo

Yen urip tan kabeneran
Bondo kang sapirang-pirang
Ditinggal dinggo rebutan
Anake podo keleleran

Eling-eling siro manungso
Nemenono nggonmu ngaji
Mumpung durung katekanan
Malaikat juru pati

Awak-awak wangsulono
Pitakonku marang siro
Seko ngendi siro iku
Menyang ngendi tujuanmu

Kulo gesang tanpo nyono
Kulo mboten gadah sejo
Mung kersane Kang Kuwoso
Gesang kulo mung sak dermo

Gesang kulo sak meniko
Inggih wonten ngalam dunyo
Dunyo ngalam kerameyan
Isine apus-apusan

Yen sampun dumugi mongso
Nuli sowan Kang Kuwoso
Siang ndalu sinten nyono
Jer manungso mung sak dermo

Koyo-koyo sa’iki wes tibo mangsane ,
Agomo islam mung kari arane

Langgar lan masjid mung kari bangunane ,
Alqur-an mung kari tulisane
Pemimpin wes podho ilang adile ,
Wong sugih podho ilang lumane

Fakir miskin wes podho ilang sabare ,
Akeh wanito podho ilang wirange

Tiang sa’niki ono sayange ,podho males ibadahe
Ugo males sholat jamaah e senengane sholat dewe

Azdane wes di kumandangne , alesan repot mergawe
Pujian wes di dawakno nanging zo ora gelem teko

Opo maneh sholat subuhe tangine mletek srengenge
Krungu azdan malah kelonan akhire ora subuhan

Ojo piya piye pancenne wes kahanane dunyo koyo ngene ,
Seng sopo wonge pingin slamet uripe syarate kudu kuat iman lan taqwane

-TURI-TURI PUTIH
(tak elingna wong sawiji menawa iku kabeh bakale di bungkus kelawan putih kaya kembange turi)

-DI TANDUR NENG KEBON AGUNG
(Gak ana maneh kejaba nang kuburan)

-CEMLERET TIBO NYEMPLUNG KEPUNDUNG KEMBANGE APA
(Mbuh kembange suargo , embuh kembange neraka tergantung amale dewe-dewe ana ing dunyane)

– Zaman makmur akeh wong kang padha kufur
Senengane tumindak ngawur urip ngelantur angel di atur
Para sedulur kakung lan putri akehana anggane syukur

– Zaman akhir akeh wong kafir
Seneng nuruti nafsu ing pikir ,mondar mandir ora gelem mikir
Para sedulur kakung lan putri ngekehna anggone dzikir

– Wes wancine ayo tobat marang gusti
Mumpung durung teko pati kang wes mesti
Nyuwun maring gusti tobat sak tulusing ati
Wiwit cilik nganti sak iki, Mugi gusti ngijabahi

Kahanane akhir zaman , , ,
Ngalor ngidul podho nerak i pranatan
Tanpho iman nuruti bujuk ing syetan

Yen ra ngunu , , ,
Rebutan karo dulur masalah warisan
Pingin sugih ngrusuhi duwek e liyan

Ora nyono Ora ngiro. . .
Dunyo rusak e tananan
Corak kahanane ,dunyo akeh maksiate lali maring pengeran

Yen menkunu dadine. . .
Nyenengake syetan sak balane
Mulo podho elingo lan waspodho

Yuuk poro konco podho eiling dek zaman semono
Naliko sek di kudang karo wong tuo
Koyo ngopo gedhene pangurbanane
Tanpo pammrih Awit dadi kewajibane
Di kadang lan di kudang sak bendinane
Supoyo besok dadi wong kang ngerti kewajibane
Iso ngangkat derajate wong tuo karo

Sa’iki zamane zaman modern
Bondho dunyo gumelar agawe semseng
Mulane yuk co-konco kito seng Waspodho
PANGESTUNE WONG TUO PUSOKO KITO

=> Kasih sayange wong tuo nang anak iku di ibaratne sak kelopo , tapi lek kasih sayange anak nang wong tuo iku ibaratte mung sak upho

Sak gedhi-gedhine upho ora ngarah iso ngalahne gedhine kelopo senajan kelopo iku mau kecenthet

Sedoyo muslimah niku AYU , tapi dudu amergo seng KEMAYU , ananging mergo budi pekerti lan akhlak seng RAHAYU

Sedoyo tiang kakung islam niku GAGAH , tapi dudu amergo seng kakean POLAH , Ananging mergo sregep nglakoni IBADAH

Sedoyo tiang islam niku HEBAT , tapi dudu amergo PANGKAT , anangung mergo iman taqwa ne KUAT

Sedoyo muslimin lan muslimat niku PAHLAWAN , tapi dudu amergo JURAGAN , ananging mergo wani lan semangat sarto teges anggenipun nglampahaken KABENERAN

Naliko kito nandur pari , mesti ono sukette seng tukul karepe dhewe , tapi lek kito nandur suket , ora bakal iso tukul pari Artine : tumindak seng apik iku kudu di tandur/ perlu belajar ora iso tukul karepe dewe,,,tapi lek tumindak olo iku ora usah belajar iso karepe dhewe

UMUR NIKU NYELOT TAMBAH ,
otomatis MASALAH njih nyelot TAMBAH ,
BEBAN urib pe njih TAMBAH,

YEN ”NGELMUNE” boten TAMBAH mangke malah SETRESS se seng tambah, iso-iso malah ngundomono Gusti Allah , (ngerti ngundomono pow duk wong-wong ki wehehe) Alah gampange MAIDHO ngunu wae lah

” Mapuk janoko “